|  

जनार्दन शर्माले आज अर्थमन्त्रीको सपथ लिने

१५ श्रावण २०७९, आईतवार १२:०४ प्रकाशित
प्रदेशहब संवादाता

यो समाचार प्रदेशहब संवाददाताद्वारा प्रकाशित गरिएको हो |


काठमाडौं । नेकपा माओवादी केन्द्रका नेता जनार्दन शर्माले पुन : अर्थमन्त्रीको सपथ लिने भएका छन् । पार्टीमा छलफल गरेर नेकपा माओवादी केन्द्रका अध्यक्ष पुष्पकमल दाहाल प्रचण्डले आजै शर्माको नाम प्रधानमन्त्री शेरबहादुर देउवालाई बुझाउँदैछन्। प्रधानमन्त्रीले शर्माको नाम शितल निवास पठाएपछि राष्ट्रपतिबाट आजै उनले पद तथा गोपनियताको सपथ लिनेछन्। आर्थिक वर्ष २०७९्०८० को बजेट पेश गर्ने अघिल्लो दिन करका दर हेरफेर गराउन अनाधिकृत व्यक्ति ल्याएको भन्ने आरोप लागेपछि तत्कालीन अर्थमन्त्री शर्माले असार २२ गते पदबाट राजीनामा दिएका थिए।सोही दिन उनीमाथि छानबिन गर्न संसदीय विशेष समिति बनेको थियो। समितिले शुक्रबार आफ्नो प्रतिवेदन बुझाएको हो। अनाधिकृत व्यक्ति प्रवेश गरेको प्रमाण नभेटिएको समितिको निष्कर्ष छ।

१५ श्रावण २०७९, आईतवार १२:०४  मा प्रकाशित

फेसबुकबाट कमेन्ट दिनुहोस