प्रदेशहब संवादाता
काठमाडौं । नेकपा (माओवादी केन्द्र)को वाग्मती प्रदेशको संसदीय दलको नेतामा शालिकराम जम्मकट्टेल चयन भएका छन् ।
वाग्मती प्रदेशका इञ्चार्ज लगायतका शीर्ष नेताहरुको उपस्थितिमा आज काठमाण्डाैमा वसेकाे बैठकले दल नेतामा जम्मकट्टेललाई चयन गरेको हो । उनी यसअघि पनि दलको नेता नै थिए । उनी हाल पनि प्रदेशको आर्थिक मामिला तथा योजना मन्त्रीका रुपमा कार्यरत छन् ।
हिजो र आज भएको छलफलपछि माओवादी केन्द्रका पालिटब्यूरो सदस्य समेत रहेका जम्मकट्टेललाई संसदीय दलको नेतामा चयन गरिएको हाे ।
वाग्मती प्रदेशसभामा धादिङ क्षेत्र नं १ प्रदेशसभा २ बाट १९ हजार ९२९ मतका साथ निर्वाचित भएका जम्मकट्टेल संविधानसभा सदस्यसमेत हुन् ।
संसदीय दलको नेतामा बागमती प्रदेश अध्यक्ष सरल सहयात्री पौडेलको पनि दाबी थियो । प्रदेशसभामा माओवादी केन्द्रका २१ सांसद छन् ।
