प्रदेशहब संवादाता
चैत्र १, काठमाडौँ । प्रतिनिधि सभाको बैठक आज बिहीबार बस्दैछ ।
बैठक संघीय संसद भवन, नयाँ बानेश्वरमा बिहान ११ बजेका लागि बोलाइएको छ ।
संसद सचिवालयका अनुसार बैठकमा नेमकिपाका सांसद प्रेम सुवालले ‘संघीय निजामती सेवा विधेयक २०८०’ लाई प्रस्तुत गर्न अनुमति माग्ने प्रस्ताव माथि राख्ने विरोधको सूचनालाई निर्णयार्थ प्रस्तुत गरिने सम्भावित कार्यसूची छ ।
त्यसपछि, संघीय मामिला तथा सामान्य प्रशासन मन्त्री भानुभक्त जोशीले ‘संघीय निजामती सेवा विधेयक २०८०’ प्रस्तुत गर्नेछन् । मन्त्री जोशीले नै ‘निर्माणमुखी सामाग्री व्यवस्थापन तथा नियमन विधेयक २०८० माथि विचार गरियोस्’ भन्ने प्रस्ताव प्रस्तुत गर्ने सचिवालयले जनाएको छ ।
साथै, आव २०८१र२०८२ को लागि विनियोजन विधेयकका सिद्धान्त र प्राथमिकता सबन्धमा कर प्रस्तावबाहेक माथि छलफल प्रारम्भ गरिने संसद सचिवालयले जनाएको छ ।
